Um ieweschten US-Geriichtshaff gouf et zwar eng massiv Néierlag fir den US-President, mä den Donald Trump fiert mat sengem Plang weider, d'US-Staatsbiergerschaft ze limitéieren.
En Donneschdeg huet den US-President en Dekreet ënnerschriwwen, dat de sougenannte Gebuertstourismus soll verhënneren. Fraen, déi als Touristen an d'USA kommen, fir do hir Kanner ze kréien, fir dass de Puppelchen déi amerikanesch Nationalitéit kritt. Genee dat ass elo net méi méiglech.
D'Riichter vum Supreme Court haten eng éischt Decisioun, déi änlech formuléiert war, schonns majoritär gekippt, wat dem Trump no onfair an ganz onglécklech gewiescht wier.
D'Riichter sinn awer explizitt: Déi amerikanesch Verfassung gesäit vir, dass all Kand, dat an den USA gebuer gëtt, automatesch och d'US-Nationalitéit kritt.
