Porte Ouverte an der Brennerei Schreiber (26.1.19)

Zënter 1920 besteet d'Brennerei Schreiber am Préizerdaul, déi schonn säit Generatiounen als Familljebetrib vun der Famill Schreiber gefouert gëtt. Fir Samschden, den 26. Januar hat de Luc Schreiber, deen d'Brennerei elo viruféiert, op eng Porte ouverte ënnert dem Motto: "Den Daul brennt" invitéiert. Vill Interesséiert, ënnert hinnen, och de Premier Xavier Bettel, waren dëser Aluedung nokomm an konnten de ganze Prozess vum Schnaps- a Likörbrennen verfollegen. Natierlech konnt en déi vill Produkter aus der Brennerei och schmaachen a nach kafen. Nieft enger Kaffistuff war och den ganzen Dag iwwer fir den Honger beschtens gesuergt. Fotoen: Charel Reiser